Donald Trump kann ekki að meta Taylor Swift.
Forsetinn fyrrverandi Donald Trump ætlar í stríð við söngkonuna en frá þessu greinir tímaritið Rolling Stone. Talið er líklegt að söngkonan vinsæla muni greina fljótlega frá því að hún styðji Joe Biden í næstu forsetakosningum.
Trump mun vera ósáttur við að hennar miklu vinsældir gætu nýst Biden og hefur talað við samstarfsmenn sína um að fara í „heilagt stríð“ við söngkonuna. Forsetinn fyrrverandi mun hafa sagt við samstarfsmenn sína að hann sé vinsælli en Taylor Swift og stuðningsmenn hans haldi meiri tryggð við sig en stuðningsmenn Swift geri við hana. Þá hafa stuðningsmenn Trump deilt ýmsum samsæriskenningum um Swift á undanförnum vikum á samfélagsmiðlum.
Taylor Swift broke Fox News. pic.twitter.com/L2M2gBqd4U
— The Recount (@therecount) January 30, 2024