- Auglýsing -
Lögreglan í London var kölluð út í gær vegna hnífa árásar í vesturhluta London. Árásin átti sér stað á Cayton Road, rétt eftir klukkan fjögur í gær, en maðurinn var úrskurðaður látinn á vettvangi. Engin vitni hafa gefið sig fram að svo stöddu en maðurinn sem lést var á áttræðisaldri og fór ferða sinna í rafmagnshjólastól.
Árásin átti sér stað í aðeins nokkurra metra fjarlægð frá fjölförnum vegi þar sem er bæði strætó- og lestarstoppistöð. Enginn hefur verið handtekinn, grunaður um morðið, en hefur lögregla óskað eftir upptökum úr öllum öryggismyndavélum á svæðinu. Auk þess hefur hún beðið almenning, sem kann að hafa einhverjar upplýsingar, að hafa samband við lögreglu.