- Auglýsing -
Fimleikastjarnan Simone Biles er heldur betur ósátt með fólk á netinu. Biles birti myndir af sér á mánudaginn þar sem hún var viðstödd NFL-leik milli Green Bay Packers og New York Giants en eiginmaður hennar spilar með Green Bay Packers.
Aðdáendur hennar töldu að Biles væri orðin ólétt en hún giftist eiginmanni sínum í apríl fyrr á þessu ári. Athugasemdirnar urðu það margar að hún sá ekki annan kost en að svara þeim. „Ég hata að ég þurfi að ræða þetta en vinsamlegast hættið að segja að ég sé ólétt á myndunum. Ég er ekki ólétt,“ sagði fimleikadrottningin.
Biles er af mörgum talin ein mesta fimleikastjarna allra tíma en hún hefur unnið fern gullverðlaun á Ólympíuleikum.
Hér fyrir neðan eru myndirnar sem hún setti inn á Instagram.
