Erlendir miðlar hafa verið að birta nýjar upplýsingar um andlát stórleikarans Gene Hackman og eiginkonu hans, Betsy Arakawa en þau fundust í sitthvoru svæðinu á heimili sínu í Santa Fe í Nýju Mexico.
Eins og langflestir vita létust Gene Hackman, eiginkona hans og einn hunda þeirra á dularfullan hátt. Nú er málið smá saman farið að skýrast en Mirror hefur tekið saman nokkur atriði um aðkomuna þegar lögreglan mætti á vettvang hjónanna. Betsy fannst látin á salernisgólfinu á heimili þeirra og hundur þeirra fannst látinn í nálægum skáp. Svartur hitari fannst nálægt höfði Arakawa, en í lögregluskýrslunni segir: „Hann [rannsakandinn] sagði að hann grunaði að hitarinn hefði getað dottið í gólfið er konan féll skyndilega til jarðar. Embættið sagði einnig að appelsínugult lyfjabox hefði fundist á borðplötu nálægt látnu konunni og töflur á víð og dreif í kring. Kom fram í frétt Mirror að andlit konunnar hafi verið þrútið og líkið farið að rotna, sem bendir til þess að hún hefði verið látin í einhverja daga, er hún fannst.
Þegar lögreglan kom á staðinn kom fram í skýrslunni að hún hefðu „tekið eftir fótum á jörðinni nálægt eldhúsinu“. Við skoðun komust þeir að því að þetta var lík Gene.
Í skýrslunni segir ennfremur: „Hinn látni karlmaður fannst klæddur í gráar buxur, bláum langermabol, brúnum inniskóm og með göngustaf. Það kom einnig í ljós að aðstoðarlögreglustjórinn Thomas hafi tekið eftir sólgleraugum sem voru staðsett nálægt hinum látna vinstra megin við líkama hans. „Thomas grunaði að karlmaðurinn hefði skyndilega fallið, og byggði það á þjálfun sinni og reynslu. Thomas sagði einnig að Gene hefði sýnt augljós merki um dauða, svipað og í samræmi við eiginkonuna, sem bendir til að þau hafi látist á svipuðum tíma.
Fram kom í fréttum í gær að dóttir Gene telji að hjóninn og hundurinn hafi látist vegna kolsýringseitrunar en það hefur ekki verið staðfest enn.