Í myndband sem Al Jazeera-fréttastofan staðfesti, sem tekið var frá Nuseirat flóttamannabúðunum í miðborg Gaza 15. apríl, heyrist hljóð grátandi barna, sem virtust koma frá ísraelskri drónavél. Vitni segja þetta gert til að lokka íbúa svæðisins út úr skjóli sínu.
Íbúar svæðisins segja að þetta sé nýjasta leið ísraelska hersins til að lokka óbreytta borgara úr fylgsnum sínum og drepa þá. Að minnsta kosti einn maður var skotinn til bana af ísraelskri leyniskyttu eftir að hann kom út úr heimili sínu til að athuga hvaðan hljóðið kæmi.
„Í gær varð svæðið fyrir skotárás Ísraelshers. Þremur tímum eftir árásirnar heyrðum við raddir barna gráta og rödd konu,“ sagði eitt vitnanna, Mohammed Nabhan við Al Jazeera þann 16. apríl. „Þegar við fórum út urðum við fyrir mikilli skotárás frá ísraelska hernum og hljóðið kom úr ísraelskum dróna,“ bætti hann við.
Israeli drones are reported emitting sounds of crying children at al-Nuseirat camp in Gaza to target and shoot civilians searching for the source of the distress calls. pic.twitter.com/5w02CqYwqs
— Middle East Eye (@MiddleEastEye) April 16, 2024
Fordæma glæpi Ísraelshers
Samtökin The Council on American-Islamic Relations eða CAIR, sem eru stærstu mannréttinda- og hagsmundasamtök múslima í Bandaríkjunum, fordæmdu á dögunum nýjustu stríðsglæpi Ísraela á Gaza, þar á meðal fjöldamorð á börnum, fréttir um að drónar séu að senda út hljóð af gráti barna til að lokka Gazabúa úr skjólum sínum til að drepa þá og stórfellda eyðileggingu Ísraela á heimilum á Gaza.
Palestínska fréttastofan WAFA, sagði frá nýju fjöldamorði í al-Machazi flóttamannabúðunum í mið-Gaza, þar sem 11 voru drepin, flest börn.
Samkvæmt ísraelskum fjölmiðlum hafa 90 prósent heimila á svokölluðum „buffer svæðum“ verið skemmd eða eyðilögð af ísraelska hernum. Sú eyðileggir gæti flokkast undir stríðsglæpi.
Í yfirlýsingu frá samskiptastjóra CAIR, Ibrahim Hooper segir hann:
„Þessir ísraelsku glæpir gegn mannkyninu eru framdir daglega – jafnvel á klukkutíma fresti – með virkum stuðningi Biden-stjórnarinnar. Án áþreifanlegra aðgerða til að binda enda á þjóðarmorð, þjóðernishreinsanir og hungursneyð af mannavöldum á Gaza, mun orðspor þjóðar okkar á alþjóðavettvangi skaðast óbætanlega.