Fyrrum vísindamaður kínversku ríkisstjórnarinnar segir ekki hægt að útiloka þann möguleika að Covid-19 vírusnum hafi verið lekið úr rannsóknarstofu.
Prófessorinn George Gao var yfir China’s Centre for Disease Control sem sér um eftirlit með smitsjúkdómum. Hann er einn fremsti veiru- og ónæmisfræðingur heims. „Vísindi snúast um það að útiloka ekki neitt. Það er allt möguleiki,“ segir George í hlaðvarpsþætti breska ríkissjónvarpsins Fever: The Hunt for Covid‘s Origin. Kínversk stjórnvöld vísa frá öllum tillögum sem snúa að því að veiran hafi komið af rannsóknarstofu í Wuhan, eins og margir hafa haldið. George Gao segir ríkisstjórnina hafa staðið fyrir einhvers konar rannsókn. Sérhæfðir vísindamenn hafi verið sendir til ítarlegrar rannsóknar á umræddri vísindastofu. George segist ekki hafa séð niðurstöðu rannsóknarinnar en að hann hafi heyrt að ekkert óeðlilegt hafi fundist.
Í nýjum hlaðvarpsþætti BBC er uppruni Covid veirunnar ítarlega rannsakaður.