Lést eftir hjartaáfall á knattspyrnuleik: „Við send­um okk­ar dýpstu samúðarkveðjur“

Hætta þurfti knattspyrnuleik milli spænsku liðanna Granada og Athletic Bilbao þegar 17. mínútur voru liðnar af leiknum. Ástæða þess var að stuðningsmaður Granada fékk hjartaáfall í stúkunni. Stuðningsmenn og leikmenn beggja liða yfirgáfu völlinn tímabundið meðan heilbrigðisstarfsmenn vallarins reyndu að endurlífga stuðningsmanninn við en það gekk ekki eftir og lést maðurinn á svæðinu. Leiknum var svo frestað í framhaldinu.

Athletic Bilbao leiddi 1-0 þegar leikurinn var flautaður af og mun leikurinn halda áfram í kvöld. 

„Við send­um okk­ar dýpstu samúðarkveðjur til fjöl­skyldu og vina hins látna,“ sagði í til­kynn­ingu Gran­ada á Twitter.