Margir minnast hinnar „sannarlega dásamlegu“ og „fallegu sálar“ Jenny Hall, 23 ára langhlaupara, eftir að lögreglan fann lík hennar eftir ákafa leit. Síðast hafði sést til Hall, sem var mikill hlaupari, yfirgefa heimili sitt í Tow Law í Durham, Englandi, rétt eftir klukkan 15:00 fyrir viku.
Fjallabjörgunarsveitir gerðu umfangsmikla leit um helgina og unnu „allan sólarhringinn“ á svæðum á milli Eggleston og Stanhope eftir að bíll hennar fannst við vegkantinn. Lögreglustjórinn í Durham staðfesti að lögreglumenn hafi fundið lík á mjög afskekktu svæði í Teesdale, rétt eftir klukkan 9:30 á sunnudag. Talsmaður lögreglunnar staðfesti að fjölskylda Jennyar hafi verið látin vita og njóti stuðnings sérhæfðra lögreglumanna.
Sjá einnig: Auknar áhyggjur vegna hvarfs 23 ára hlaupakonu – Hvorki tandur né tetur finnst af Jenny Hall
Fólk lýsir henni sem „ótrúlegri“ manneskju. Durham Fell Runners-hlaupaklúbburinn sagði frá því hvernig Jenny yrði „ávallt“ í hugsunum vina sinna: „Jenny var mjög ástkær meðlimur hlaupaklúbbsins okkar; falleg manneskja að innan sem utan, bjartur neisti, afskaplega sjálfstæð og gaman að vera í kringum. Okkur langar til að færa miklar þakkir til Fjallabjörgunarsveitanna og lögreglunnar sem unnu svo sleitulaust við að finna hana. Þessar myndir voru teknar á sólarlagshlaupi síðasta vor upp fyrir ofan Hamsterley-skóginn. Hún verður ávallt í huga okkar, umlukin ljósinu sem urðum vitni að þetta kvöld. Sendum fjölskyldu og vinum Jennýjar okkar innilegustu samúðarkveðjur.“
Mariagrazia Panaccio, ein af hlaupafélögum Jennyar, sagði: „Sannlega dásamleg og ótrúleg stúlka, hraustasta kona sem ég hef kynnst. Það var gaman, gleði, hlátur að æfa með þér. Ég hef verið svo heppin að fá tækifæri til að deila hluta af lífi mínu með þér. Ég mun geyma þessar minningar í hjarta mínu að eilífu. Við munum sakna þín, Jenny Hall.“
Bíll Jennyar, rauður Ford Focus, fannst staðsettur á B6278-veginum í afskekktu mýrlendi milli Eggleston og Stanhope á miðvikudaginn. Leitin hafði miðast við 4.942 hektara skóg sem er vinsæll meðal skokkara. Í yfirlýsingu sagði lögreglan í Durham: „Okkur þykir leitt að tilkynna að lögreglumenn, sem leita að týndu konu Jenny Hall, hafa því miður fundið lík. Lögreglumenn framkvæmdu víðtæka leit ásamt sérhæfðum samstarfsaðilum og hafa unnið allan sólarhringinn við að finna Jenny eftir að hún hvarf 18. febrúar. Líkið fannst á mjög afskekktu svæði í Teesdale, rétt eftir 21:00. sunnudag. Fjölskylda Jenny hefur verið látin vita og eru nú studd af sérhæfðum lögreglumönnum. Hún hefur beðið um friðhelgi einkalífsins á þessum hrikalega tímapunkti. Ekki er talið að um grunsamlegar aðstæður séu að ræða og verður útbúið skjal fyrir dánardómstjóra.“
Lögreglan þakkaði sérfróðum fjallabjörgunarsveitum sem höfðu unnið „ákaft“ við hlið lögreglumanna á jörðu niðri. Hall, sem var vanur hlaupari, var 1,8 metrar á hæð með mjög sítt dökkt hár og sást síðast klædd í bláa hettupeysu með John Deere merki og dökkum joggingbuxum. Lögreglumenn í Durham voru að störfum í Hamsterley-skógi, þar sem vitað var að Hall hljóp, og nærliggjandi svæði. Hamsterley-skógur var búinn til af Forestry England á þriðja áratug síðustu aldar. Skógurinn er vinsæll meðal göngufólks og hjólreiðamanna. Það spannar 4.942 hektara en það er stærsta skóglendi í Durham-sýslu og er staðsett um 26 km frá Tow Law. Það laðar að sér um 200.000 gesti á ári, samkvæmt Forestry England. Leitin hafði beinst að hlaupaleiðunum sem Hall notaði oft, með sjö drónum, um 60 sjálfboðaliðum til fjallabjörgunar og 10 hunda þeirra, um helgina. Teesdale og Weardale leitar- og fjallabjörgunarsveitin (TWSMRT) sagði að lið þeirra hefðu leitað yfir 96,5 km af stígum og slóðum í Hamsterley Forest.