Verslunarkeðjurnar Macy’s og Bloomingdales segja skilið við loðfeld.
Bandarísku verslunarkeðjurnar Macy’s og Bloomingdales stefna á að hætta að selja loðfeld fyrir árslok 2020. Þetta kemur fram í frétt The Insependent
Verslanirnar hafa gert áætlun í samvinnu við bandarísku samtökin Humane Society. Þá munu verslanirnar einnig loka þjónustu sem kallast Fur Vaults sem bíður viðskiptavinum upp á geymslu og viðgerð á loðfeld.
Í tilkynningu á vef Macy’s segir að nýja stefnan sé tekin þar sem tímarnir séu að breytast og eftirspurnin eftir loðfeldi sé að minnka. Þá kemur einnig fram að tæknin hafi tekið miklum framförum og að í dag sé minna mál að búa til fallegan gervifeld heldur en áður.
Þess má geta að mörg af stærstu tískuhúsum heims hafa á undanförnum árum hætt að nota loðfeld í hönnun sína. Sem dæmi má nefna Chanel, Gucci og Tom Ford. Þá hefur verð á loðfeldi á heimsmarkaði hefur farið fallandi á undanförnum árum vegna minnkandi vinsælda.
Sjá einnig: Vinsældir loðfelds fara sífellt minnkandi
Sjá einnig: Chanel hættir að nota krókódílaskinn og loðfeld