Hinn 53 ára gamli Donald Calloway var handtekinn í Flórída í Bandaríkjunum þann 26. desember fyrir kynferðislegt athæfi með dýri.
Atvikið átti sér stað í Lake Wales í Flórída en samkvæmt gögnum sem lögreglan hefur birt fékk hún símtal um mann sem var að stunda kynferðislegt athæfi upp við hest en hann á að hafa verið að fróa sér við hlið hestsins. Þá á hann á sama tíma að hafa slegið typpinu í andlits hestsins og reynt að stinga því inn um nasir hans en hesturinn er 24 ára gamall og heitir Raven.
Lögreglan segir að hún hafi undir höndunum myndband sem staðfesti þessa hegðun Calloway en taka þó fram að ekki sé greinilegt að hann hafi stungið typpinu inn um nasir Raven þó að hreyfingar hans benti til þess. Calloway sagði við yfirheyrslu að þetta hafi verið heimskulegt og hann hefði ekki stundað kynlíf í tvo mánuði. Taldi hann það mögulega ástæðu fyrir athæfinu. Þá sagðist hann einnig hafa verið undir miklu álagi undanfarið.
Samkvæmt lögreglunni er hann ennþá í varðhaldi og hefur verið ákærður fyrir kynferðislegt athæfi með dýri
