Í nýrri könnun frá Maskínu um borgarstjórnarmálin í Reykjavík er greint frá því að Sanna Magdalena Mörtudóttir, borgarfulltrúi Sósíalistaflokksins, hafi staðið sig best af öllum borgarfulltrúum að mati aðspurðra en hún fær 25% fylgi þar á bæ. Rétt á eftir Sönnu er Dagur B. Eggertsson, fyrrverandi borgarstjóri, en hann mælist með 22%.
Talsvert er í þriðja mann en sá borgarfulltrúi er Hildur Björnsdóttir, oddviti Sjálfstæðisflokksins, en hún mælist aðeins með 11%. Það er þó betra en Einar Þorsteinsson borgarstjóri mælist með en hann fær aðeins 7%. Flestir myndu kjósa Samfylkingunni samkvæmt Maskínu ef kosið væri í dag en flokkurinn fengi 25% miðað við þessa könnun og myndi flokkurinn því bæta við sig tæpum 5%. Sjálfstæðisflokkurinn mælist svo í 2. sæti með 23,4%.
Mbl.is greindi frá.