Að minnsta kosti 111 Palestínumenn hafa verið drepnir í Gaza ströndinni frá dögun, að sögn læknaheimilda Al Jazeera. Þar af voru að minnsti 72 manneskjur drepnar í loftárás Ísraela á byggingu í Beit Lahiya í norðurhluta Gaza.
Samkvæmt blaðamanni Al Jazeera, Hani Mahmoud sem skrifar frá Deir el-Balah á Gaza segir að eyðileggingin af völdum árása Ísraelsher valdi því að fólki, sem enn er eftir á norðurhlusta Gaza, lendi í sífelt erfiðari, miklu meira krefjandi aðstæðum.
„Það sem við sjáum er hryllileg atburðarás sem endurómar einhverja verstu atburði sem hafa gerst í mannkynssögunni. Við sjáum kerfisbundna eyðileggingu allra þátta lífsins á norðurhluta strandarinnar,“ skrifar Mahmoud og bætir við: „Þá er ekki aðeins um að ræða eyðileggingu íbúðarhúsnæða, heldur margra opinberra aðstaðna, innviða, vegi, allt sem styður tilvist fólks á þeim hluta Gaza-svæðisins sem verið er að eyðileggja.“
Segir hann að árásir á þyrpingu íbúðarhúsa snemma í morgun, sem drap meira en 70 manns, hafi verið með nákvæmlega sama myndstur þar sem óbreyttir borgarar eru skotmörkin, inni á heimlum sínum þar sem þeir leita skjóls.
„Margir þeirra er fólk á vergangi sem flutti til norður Gaza frá öðrum svæðum og enduðu hjá ættingjum sínum, tengdafjölskyldum eða vinum sem ákváðu að hýsa þá þar til yfirganginum lýkur. En það virðist ekki líklegt að þessu ljúki í bráð.“