Að minnsta kosti sjö eru látnir og á þriðja tug særðir eftir að sprengja sprakk á fjölmennum markaði í borginni Azaz í Sýrlandi í nótt.
Samkvæmt BBC segja mannréttindasamtök í Sýrlandi að sprengjan hafi verið í bifreið sem lagt var við markaðinn. Meðal hinna látnu eru tvö börn. Enn er ekki ljóst hver ber ábyrgð á sprengjunni en enginn hryðjuverkahópur hefur fram að þessu lýst yfir ábyrgð.
Á myndum af eftirleiknum mátti sjá lík liggja á jörðinni, skemmdar byggingar og leifar af bíl sem kviknaði í.
Borgin Azaz er nærri landamærum Tyklands en vígasveitir hliðhollar Tyrkjum fara þar með völd. Þá eru þar aukreitist bækistöðvar stjórnarandstöðuhóps sem stjórnar nokkrum landshlutum Sýrlands. Hafa hótarnir barist hatrammlega gegn forseta landsins frá árinu 2011 er borgarastríðið hófst.