Að minnsta kosti þrír Palestínumenn hafa verið drepnir og 11 særðir í árásum Ísraelshers víðsvegar um Gaza síðasta sólarhringinn og einn til viðbótar lést af sárum sem hann hlaut í fyrri árás Ísraelsmanna, að sögn heilbrigðisráðuneytisins.
Tvö lík til viðbótar voru einnig tekin undan rústum síðastliðinn dag, segir í yfirlýsingunni.
Nú er tala myrtra á Gaza frá 7. október, komin upp í að minnsta kosti 61 þúsund manns, meirihluti þeirra konur og börn og minnst 111,733 hafa særst.
Drónaárás í Líbanon
Einn maður var drepinn í ísraelskri drónaárás á ökutæki í þorpinu Aita al-Shaab í suðurhluta Líbanon, nálægt landamærunum að Ísrael.
Ríkisfréttastofan í Líbanon staðfesti morðið og greindi einnig frá því að að minnsta kosti tveir hafi særst hvor í sínu lagi í bænum Wazzani eftir að ísraelskir hermenn hófu skothríð.
Líbanskir heimildarmenn staðfestu ekki strax hver hinn látni væri, en útvarp ísraelska hersins, sem vitnar í öryggisheimildir, sagði að skotmarkið væri liðsmaður Hizbollah.
Maðurinn, sem sagður er vera sonur bæjarstjórans þorpsins, ók bíl sínum nálægt landamærunum þegar árásin átti sér stað. Eiginkona hans særðist alvarlega í árásinni.