- Auglýsing -
Leikkonan geðþekka Sarah Hyland hefur verið lögsótt af fyrrverandi umboðsmanni hennar.
Modern Family stjarnan rak í apríl Richard Konigsberg en hann hafði verið umboðsmaður leikkonunnar í 15 ár og hjálpað henni að fá hlutverk í gamanþáttunum vinsælu. Hann hefur nú farið fram á að hún greiði honum 10% af öllum framtíðartekjum sem hún fær fyrir leik sinn í þáttum og kvikmyndum sem hún lék í meðan hann var umboðsmaður hennar.
Ljóst er að um nokkuð háar fjárhæðir er að ræða en hún lék í yfir 200 þáttum af Modern Family og fær hlut af tekjum þegar þættirnir eru endursýndir um heim allan eða streymt á streymisveitum. Þá kom hún einnig fram í fjölda þátta og kvikmynda á þeim tíma sem Konigsberg var umboðsmaður hennar.