Ung móðir í Bandaríkjunum, Ashlee, sagði frá heldur leiðinlegri reynslu á samfélagsmiðlum á dögunum. Hún á von á sínu öðru barni og hélt veislu til að komast að kyni barnsins. Móðir Ashlee fékk að vita leyndarmálið og keypti blöðru sem átti að sprengja, út úr henni kæmi bleikt skraut ef barnið væri stelpa en blátt ef að strákur væri á leiðinni. Ashlee, sem á strák fyrir, segist hafa vonast eftir stelpu. Móðir hennar tók þá umdeilda ákvörðun um að stríða dóttur sinni, í blöðrunni reyndist vera blátt skraut en um leið og Ashlee sprengdi blöðruna ringdi yfir hana bleiku, móðir hennar hafði þá notað aðra sprengju til að blekkja dóttur sína. Ashlee varð himinlifandi að sjá bleika litinn en það var ekki fyrr en sonur hennar benti henni á hvað hafði farið fram, að hún áttaði sig á þessu. Hún segist ekki vera í neinum samskiptum við móður sína eftir atvikið, en segir þó vera fleiri ástæður fyrir því.
Myndbandið má sjá hér fyrir neðan: