Niðurbrotinn unnusti týndu móðurinnar og hjúkrunarfræðingsins Viktoriu Taylor rauf þögn sína í dag til að grátbiðja hana um að snúa aftur til dótturinnar sem hún elskaði.
Hin verðandi brúður, Victoria (34), sást síðast á mánudaginn á heimili sínu, sem hún deilir með unnusta sínum Matthew Grant Williams og tveggja ára dóttur þeirra, í Malton, Norður-Jórvíkurskíri.
Eigur hennar fundust síðar á bökkum árinnar Derwent, sem varð til þess að lögreglan hóf gríðarlega leit, þar sem kafarar rannsökuðu svæðið alla vikuna. Þegar leitin hófst á fimmta degi, bað Matthew hana að koma heim.
Hann hélt á dóttur þeirra og brast í grát þegar hann sagði: „Ég vona að hún komi heim heil á húfi.“ Hann starði ástúðlega á barnið og hélt áfram: „Auðvitað vantar þessa mömmu sína. Við erum öll að vona að hún komi aftur. Hún var traus í starfi sínu, traust okkur og við vorum nýkomin úr yndislegu fríi. Þetta er bara sorglegt.“
Hann hélt áfram: „Um leið og við tilkynntum hvarf hennar, þar sem við þekktum hana mjög vel, fórum við að skoða svæðið þar sem lögreglan hafði verið.“
Matthew staðfesti að hann og Victoria ætluðu að gifta sig, en höfðu ekki ákveðið dagsetningu, nýkomin úr fyrsta fjölskyldufríi sínu á Mallorca.
„Ég er bara miður mín vegna þessarar [dótturinnar. Innskot blaðamanns]. Ég veit að Vikki vildi að [dóttir okkar] fengi bestu tækifærin í lífinu, þau tækifæri sem hún hafði aldrei. Þetta brýtur hjarta mitt.“
Hann knúsaði dóttur sína og grét: „Við lifum í voninni, er það ekki stelpa?. Hún var svo góð móðir þessum krakka og ég vona að hún geti orðið góð móðir aftur.“
Fór út af heimili tengdaforeldranna
Victoria sást á heimili sínu í bænum klukkan níu á mánudagsmorgun ásamt unnusta sínum Matthew og tveggja ára dóttur þeirra. Hún var í myndsímtali með systkinum sínum.
Matthew og Victoria fóru síðan með dóttur sína til að heimsækja foreldra hans. Victoria yfirgaf síðan heimili foreldra hans og kom ekki aftur, sagði systir hennar Heidi Baker.
Talið er að hún hafi verið á leið í átt að samfélagsbókasafni í bænum.
Victoria náðist á öryggismyndavél klukkan 11:35 þegar hún keypti flösku af Dr Pepper og flösku af vatni í Mark and Spencer-verslun í nágrenninu í BP bensínstöð á Welham Road.
Myndbandið sýnir hjúkrunarfræðinginn inni í versluninni með húfu og í bláum Adidas-frakka.
Kona í bænum sá hana fara yfir járnbrautarteina nálægt Lidl verslun á Welham Road um klukkan 11.30 til 12 á hádegi, á leið í átt að ánni Derwent. Heimamenn sáu hana síðan fara framhjá barnaleikgarði á staðnum, Riverside Playground, og ganga eftir þykkgrónum stíg meðfram á ánni á milli klukkan 11:30 og hádegis.
Vinir Victoriu hafa haldið því fram að Instagram reikningur hennar hafi enn verið „virkur“ daginn eftir að hún hvarf. Þeir sögðu að fjölskylda Taylor gæti hafa verið að nota Instagram prófílinn hennar, sem leiddi til þess að reikningurinn sýndist sem „virkur“, sagði Sun. Hins vegar hafa ástvinir týndu brúðarinnar ekki lýst því yfir að svo hafi verið.
Drónar hafa verið notaðir við leitina á meðan lögreglumenn á kajak hafa sést á ánni Derwent. Kafarateymi hefur einnig tekið þátt á meðan aðrir hafa skoðað myndefni úr öryggismyndavélum í kringum Malton þar sem Victoria sást síðast.
Martin Dennison frá lögreglunni í Norður-Jórvíkurskíri sagði: „Við höfum miklar áhyggjur af því hvar Victoria er niðurkomin og viljum, eins og fjölskylda hennar og vinir, bara sjá hana heila á höldnu. Ég vil hvetja almenning til að fara varlega ef leitað er að Viktoríu nálægt ánni.“
Facebook hópur sem heitir „Leitin að Victoriu Taylor (e. The search for Victoria Taylor)“ hefur verið settur á laggirnar og hefur nú yfir 3.000 meðlimir. Þá hafa vinir og íbúar á staðnum sagt að þeir muni ekki gefast upp á að leita að Victoriu, sem er upprunalega frá Huddersfield, í Vestur-Jórvíkurskíri.
O