- Auglýsing -
Hinn 23 ára Jack Sepple er grunaður um að hafa stungið 19 ára kærustu sína, Ashley Wadsworth, til bana á þriðjudaginn. Hörmungin átti sér stað í Essex í Bretlandi en lögreglan var kölluð út vegna hávaða sem barst úr íbúð Jack.
Ashley var kanadískur nemi, hún var vinsæl í heimabæ sínum, stóð sig vel í skóla og átti framtíðina fyrir sér þar til hún ákvað að ferðast til Essex til að hitta kærastann. Þau kynntust á netinu en voru ekki búin að þekkjast lengi.
Ashley var úrskurðuð látin á vettvangi og er Jack sá eini grunaði í málinu, hann hefur verið handtekinn fyrir morðið.
Jack mætti fyrir dóm í morgun.