Nítján ára kona lést á laugardaginn síðasta aðeins þremur vikum eftir að hún gekkst undir fegrunaraðgerð í Kólumbíu. Konan, Yisela Torres Apresa, var lögð inn á spítala þann 13.janúar eftir að hafa fylgikvillar fóru að gera vart við sig en stuttu áður hafði fylliefni verið sprautað í rassinn á henni til þess að stækka og móta lögun hans.
Þremur vikum síðar hafði ástand hennar versnað töluvert og varð það til þess að hún fór í hjartastopp á laugardaginn síðasta. Ekki liggur fyrir hvaða efni var sprautað í Apresa en margir hafa minnst hennar á samfélagsmiðlum. „Þú veist ekki hversu mikinn sársauka þú skilur eftir í, elskan,‘‘ skrifaði vinkona hennar. Ekki er langt síðan önnur ung kona lést eftir að hafa gengist undir sambærilega fegrunaraðgerð í Tyrklandi. Undanfarið hefur verið fjallað um vaxandi vinsældir slíkra aðgerða hjá breskum ungmennum sem gera sér ferðir, meðal annars til Tyrklands, til þess að gangast undir aðgerðirnar.