Körfuboltamennirnir Luka Doncic og Anthony Davis hafa skipt um lið í NBA deildinni og spilar Doncic nú með Los Angeles Lakers og Anthony Davis með Dallas Mavericks. Hægt er að færa rök fyrir því að báðir leikmennirnir séu á lista yfir 10 bestu körfuboltamenn heimsins í dag.
Skiptin komu mjög á óvart en það var Dallas Mavericks sem hafði frumkvæðið af skiptunum þrátt fyrir Doncic hafi komið liðinu í úrslit NBA á síðustu leiktíð og var hann almennt talinn vera ósnertanlegur þegar kemur að skiptum sem þessum. Sem hluti af skiptunum gengu Maxi Kleber og Markieff Morris einnig til liðs við Lakers og Max Christie til Mavericks. Þá fengu Mavericks einnig valrétt frá Lakers sem félagið getur nýtt til að velja nýliða árið 2029.
Nokkuð ljóst er að skiptin munu breyta landslagi körfuboltaheimsins nokkuð mikið en nú fær Doncic tækifæri til að spila með Lebron James, einum besta körfuboltamanni sögunnar.
Lakers eru sem stendur í 5. sæti vesturdeildar NBA meðan Mavericks eru í 8. sæti.