Heimurinn er enn í sjokki eftir að fréttir bárust í gær um að fyrrum meðlimur breska strákabandsins One Direction, Liam Payne, hefði hrapað til bana af svölum hótelherbergi sem hann dvaldi í í Argentínu. Er hann sagður hafa hegðað sér furðulega rétt fyrir andlátið.
Hinn 31 árs gamli söngvari lést eftir að hann féll af svölum á þriðju hæð á argentíska hótelinu Casa Sur Palmero.
Greint hefur verið frá því að hinn eins barna faðir hafi hagað sér „furðulega“ nokkrum klukkustundum fyrir andlát hans. Starfsmenn hótelsins tilkynntu lögreglu um „árásargjarnan mann sem gæti hafa verið undir áhrifum fíkniefna og áfengis“. Samkvæmt staðbundnum fjölmiðlum hafði Liam sést „hegða sér ranglega í anddyri hótelsins og mölva fartölvuna sína“ áður en „þurfti að bera hann aftur í herbergið sitt“.
Stuttu eftir símtalið sögðust starfsmennirnir hafa heyrt hátt hljóð í hótelgarðinum. Lík Liams fannst skömmu eftir kl. 05:00.
Hljóðupptaka sem tengist málinu fékkst frá öryggisráðuneyti Buenos Aires en þar heyrist símtal frá starfsmanni sem óskaði eftir aðstoð vegna ölvaðs gests. Starfsmaðurinn sagði: „Þegar hann er með meðvitund er hann að eyðileggja allt herbergið og við þurfum að senda einhvern,“ í hljóðupptökunni sem The Mail Online fékk.
Alberto Crescenti, yfirmaður neyðarlækninga, ræddi við staðbundna fréttamiðilinn Clarin eftir andlát Liam. Hann sagði: „Við staðfestum auðkenni hans með því að nota vegabréfið sem hann hafði,“ áður en hann bætti við: „Teymið sá að hann var greinilega höfuðkúpubrotinn.“
Lögreglan í Buenos Aires staðfesti í yfirlýsingu: „Liam James Payne, tónskáld og gítarleikari, fyrrverandi meðlimur hljómsveitarinnar One Direction, lést í dag eftir að hafa fallið af þriðju hæð á hóteli í Palermo.“
Liam hafði áður útskýrt á samfélagsmiðlum hvers vegna hann væri í landinu en meðal annars var ástæðan sú að félagi hans úr One Direction var með tónleika þar. Hann sagði: „Við erum að fara til Argentínu. Í fyrsta lagi vegna þess að við verðum, og í öðru lagi vegna þess að við viljum það, og í þriðja lagi vegna þess að Niall Horan er að spila þarna og ég held að við gætum bara farið og sagt „Halló“.“
Bætti hann við: „Það er stutt síðan ég og Niall höfum talað saman. Við höfum mikið að tala um og mig langar að ræða nokkra hluti við strákinn. Engar slæmar straumar eða neitt slíkt, en bara, við þurfum að tala saman.“
Með honum í Argentínu var kærasta hans, Kate Cassidy. Nokkrum klukkustundum fyrir banaslysið hafði söngvarinn hlaðið upp myndum fyrir aðdáendur sína á Snapchat. Í þeim sást Liam deila matnum sínum og hann sagði frá áætlunum sínum um að spila póló. Hann myndaði einnig kærustu sína Kate þegar þau borðuðu morgunmat saman.
Liam sagði í myndbandinu: „Þetta er morgunverðarborðið, bara að njóta morgunmatar og kaffis þó klukkan sé 13:00.“ Hann upplýsti einnig að þau hefðu gist á heimili vinar síns þegar Kate grínaðist í bakgrunninum að þau væru „lúserar“ fyrir að hanga inni.
Eftir fréttir af andláti hans sameinaðist heimurinn og vottaði samúð sína. Þar á meðal voru margir af frægum vinum Liams, þar á meðal X Factor-þáttastjórnandinn Dermot O’Leary. Hann deildi svarthvítri mynd af sjálfum sér þar sem hann stóð við hlið Liam og skrifaði: „Verstu fréttirnar. Ég man eftir honum 14 ára gömlum þegar hann mætti í áheyrnarprufu í X Factor og hreif okkur algjörlega með Sinatra lagi. Hann elskaði bara að syngja.“
Hann hélt áfram að hrósa Liam fyrir kurteisan og jarðbundinn persónuleika og bætti við: „Hann var alltaf gleðigjafi, hafði tíma fyrir alla, kurteis, þakklátur og var alltaf auðmjúkur. Sendi ást og bænir til fjölskyldu hans. Dx“ Liam birtist í X Factor árið 2010 þar sem hann varð hluti af One Direction ásamt hljómsveitarfélögunum Louis Tomlinson, Harry Styles, Niall Horan og Zayn Malik.