- Auglýsing -
Í hið minnsta 128 létu lífið í árásum Ísraela á borgirnar Rafah og Khan Yunis á Gasasvæðinu í nótt og í morgun. Ísraelar hafa sagt háttsetta liðsmenn Hamas fela sig í Khan Yunis en meirihluti látinna eru konur og börn.
Utanríkisráðherra Bandaríkjanna, Antony Blinken, er væntanlegur til Mið-Austurlanda í dag og er vonast eftir því að hann muni hvetja til vopnahlés á svæðinu. Er þetta ekki í fyrsta sinn sem Blinken ferðast til landanna en mun þetta vera fimmta ferð hans frá því í október. Gríðarleg þörf er fyrir mannúðaraðstoð á svæðinu og fjöldi barna er á vergangi.