Rússnesk fegurðardrottning sem var „afskræmd fyrir lífstíð“ eftir lýtaaðgerð sem kostaði 528 þúsund krónur, fullyrðir að henni hafi verið neitað um réttlæti.
Yulia Tarasevich, sem lenti í öðru sæti í Mrs Russia International keppninni fyrir fjórum árum síðan, getur nú hvorki lokað augunum eða brosað. Skurðlæknirinn sem framkvæmdi lýtaaðgerð á frú Tarasevich var dæmdur fyrir vanrækslu og hlaut þriggja ára dóm en var látinn laus vegna þess að málið var fyrnt.
Tarasevich, 45 ára, hefur aðeins fengið örlítið brot af þeim tæplega 53 milljónum krónum sem hún krafðist í bætur fyrir mistökin sem gerð voru árið 2020. Hún sagði í fjölmiðlum: „Löggjöf okkar í Rússlandi er undarleg vegna þess að hann afskræmdi mig ævilangt og skurðlæknirinn var sóttur til saka í þrjú ár. Ef andlit mitt hefði farið aftur í sama gamla farið eftir þessi þrjú ár, myndi ég bara segja: „Ó, jæja.“.
Hún bætti við: „Ég held að brotamennirnir viti að ef þeir tefja málin munu þeir komast upp með það. Skurðlæknirinn Andrey Komarov, frá Merits Clinic, var dæmdur fyrir „að valda alvarlegu líkamstjóni vegna gáleysis“.
Dómstóllinn veitti fórnarlambinu 1,5 milljón króna bætur en refsingin – þriggja ára „takmarkað frelsi“ til þriggja ára, tók ekki gildi vegna þess að of langur tími var liðinn. Skurðlækninum, Komarov, er frjáls ferða sinna og getur haldið áfram að starfa sem skurðlæknir.
Tarasevich sagði: „Ég kom til þeirra með fallegt, heilbrigt andlit. Mig langaði bara að leiðrétta nokkur blæbrigði af völdum öldrunar, en því miður missti ég heilsuna.“
Hin tveggja barna móðir frá Sochi „afskræmdist“ við andlitslyftingaraðgerð, æðavíkkun á augnlokum og fituminnkun í kinnum, að hennar sögn. Við aðgerðina í Krasnodar sagði Tarasevich að andlit sitt hefði orðið mjög bólgið og þrútið. Hún fór í bráðaaðgerð hjá öðrum lækni til að bjarga augum hennar frá drepi, sagði hún í kvörtun sem varð til þess að málið var rannsakað sem glæpur.
Hún sagði við Channel 1 í Rússlandi: „Ég er með ör sem mynduðust í kinnum mínum þegar þau rifu út allan vefinn minn. Augun mín lokast ekki og ég get ekki brosað. Ég get ekki lyft efri vörinni. Partur af andliti mínu virkar ekkert. Í fyrsta lagi fór ég vandræðalaust í aðgerðina, þar sem að allar athuganir á mér voru í lagi. Í öðru lagi, vegna þess að ég fór í lýtaaðgerð áður en þetta gerðist, fór ég í nefaðgerð og það gekk fullkomlega fyrir mig, án nokkurra erfðagalla.“
Læknastofa Komarovs hafði haldið því fram að Yulia væri með sjaldgæfan erfðasjúkdóm sem ómögulegt væri að spá fyrir um og neitaði ábyrgð á martröð hennar.
Eftir að dómur var kveðinn sagði hún: „Ég er núna að venjast því að láta taka myndir án þess að brosa og ég er að læra að velja önnur sjónarhorn.“