- Auglýsing -
Franski stórleikarinn Gerard Depardieu hefur verið handtekinn í París vegna gruns um kynferðisbrot.
Samkvæmt heimildum AFP-fréttastofunnar yfirheyrir lögreglan Gerard vegna ásakana tveggja kvenna um kynferðisofbeldi. Annað brotið er sagt hafa gerst við tökur á kvikmynd árið 2014 og hitt brotið við tökur á kvikmynd árið 2021.
Ekki er þetta í fyrsta skipti sem stórleikarinn hefur verið sakaður um kynferðisbrot en árið 2020 kærði leikkonan Charlotte Arnould Gerard fyrir nauðgun. Þá hafa 16 konur sakað hann um kynferðislega áreitni í gegnum tíðina. Hann hefur neitað öllum ásökunum um kynferðisbrot.