Algjört kraftaverk varð í Kaupmannahöfn í gær er þriggja og hálfs árs gamall danskur strákur féll út um glugga á þriðju hæð í fjölbýlishúsi en hann slapp með minniháttar meiðsl.
Lögreglan í Kaupmannahöfn sagði frá málinu í gærkvöld og segir drenginn hafa fallið 12 metra niður á grasflöt. Atvikið átti sér stað í Pragtstjernevegi í Kaupmannahöfn.
Segir í tilkynningu lögreglunnar að mikil náð sé að ekki fór verr og að strákurinn hafi aðeins hlotið minniháttar meiðsl eftir þetta hátt fall. Til öryggis var hann þó fluttur til skoðunar á sjúkrahúsi.
Rúv greindi frá þessu.
Vi har til aften været på Pragtstjernevej hvor en 3,5 år gammel dreng var faldet ud af et vindue fra 3. sal. Han faldt 12 meter og landede på græs. Heldet var med ham, da han umiddelbart slap med begrænsede skader. Kørt til kontrol på hospitalet for en sikkerheds skyld. #politidk
— Københavns Politi (@KobenhavnPoliti) June 5, 2022