Það ríkti ekki gleði hjá öllum gestum í Disneylandi í fyrradag.
Þar var tveggja barna móðir handtekin og vísað út úr garðinum sem er í Anaheim í Kaliforníu í Bandaríkjunum. Myndbönd af handtöku hennar hafa farið eins og eldur í sinu á samfélagsmiðlinum TikTok og var sagt frá því að hún hafi verið mjög ölvuð. Samkvæmt fjölmiðlum í Bandaríkjunum reyndist það hins vegar ekki vera satt heldur var hún að reyna smygla börnum sínum ókeypis í leiktæki og ferðir með því halda því fram að þau væru bæði yngri en tveggja ára en börn undir tveggja ára aldri þurfa ekki að borga fyrir slíkt.
Þegar henni var vísað út mátti heyra konuna öskra „Þú ert að fokking meiða mig,“ og heyrðist einnig í börnum hennar að hágráta. Konan slapp með viðvörun en þetta er þriðja atvikið á árinu í garðinum sem fær mikla og neikvæða athygli á samfélagsmiðlum.
Snemma á árinu þurfti að fjarlægja mann úr garðinum eftir hann réðst á konu og starfsmann garðsins og svo í sumar hneig gestur niður eftir maraþonhlaup í garðinum og lést hann í kjölfarið.