- Auglýsing -
Flugvél varð alelda eftir að hún lenti á slökkviliðsbíl í Lima, höfuðborg Perú í gær. Tveir slökkviliðsmenn létust við áreksturinn.
Flugvélin var á leið í loftið þegar slysið varð, ekki er vitað hvers vegna slökkviliðsbíllinn var á flugbrautinni. 60 farþegar vélarinnar voru fluttir á slysadeild, sumir alvarlega slasaðir.
Myndbandi af slysinu var dreift á samfélagsmiðlum. Þar má sjá vélina lenda á bílnum. Á stuttum tíma verður vélin alelda. „Þetta var hræðilegt, við vissum ekki hversu margir væru um borð í vélinni og eldurinn var mikill,“ sagði Mauro Ferreira, brasilískur ferðamaður sem varð vitni að slysinu.
Flugvöllurinn í Lima er nú lokaður á meðan rannsókn stendur yfir.