Palestínumenn hafa uppgötvað fjöldagröf við Nasser-spítalans í Khan Younis-borg á Gaza, þar sem 180 lík hafa fundist hingað til, að því er Al Jazeera hefur komist að.
Uppgötvunin var gerð á laugardaginn og hélt áfram í gær, varð eftir að Ísraelsher dró hermenn sína frá borginni 7. apríl. Meirihluti Khan Younis-borgar er eyðilagður eftir gegndarlausar sprengingar og harða bardaga undanfarna mánuði.
„Í spítalagarðinum hafa almannavarnarliðar og sjúkraliðar fundið 180 lík sem ísraelski herinn gróf í þessari fjöldagröf. Þar er að finna eldri konur, börn og unga menn,“ sagði Hani Mahmoud, fréttamaður Al Jazeera, frá Khan Younis í gær.
Í yfirlýsingu sem birtist seint á laugardag sagði palestínska neyðarþjónustan: „Teymin okkar halda áfram leit sinni að píslarvottum sem eftir eru á næstu dögum þar sem enn er umtalsverður fjöldi þeirra að finna.
Fyrr í vikunni fannst fjöldagröf á al-Shifa sjúkrahúsinu, eftir tveggja vikna umsátur. Þetta var ein af mörgum fjöldagröfum sem fannst við al-Shifa, sem er stærsta lækningastöðin í strandhéraðinu.
Stríð Ísraels á Gaza hefur drepið meira en 34.000 Palestínumenn, samkvæmt staðbundnum heilbrigðisyfirvöldum, lagt tvær stærstu borgir Gaza í rúst og skiluið eftir sig eyðileggingu þvert yfir yfirráðasvæðið. Að minnsta kosti tveir þriðju hinna látnu eru börn og konur. Heilbrigðisyfirvöld segir einnig að raunverulegur fjöldi látinna sé líklega hærri þar sem mörg lík eru föst undir rústum eftir loftárásir eða eru á svæðum sem læknar geta ekki náð til.
Ísrael hóf árásir sínar á Gaza eftir að bardagamenn Hamas og annarra palestínskra hópa gerðu árás innan Ísraels 7. október þar sem um 1.139 manns létu lífið og meira en 200 manns voru teknir til fanga.
Fjöldi barna drepin í árásum á Rafah
Á sama tíma eru árásir Ísraela í strandhéraðinu í gangi, þar á meðal á Rafah í suðurhluta Gaza, þar sem árásir að nóttu til kostuðu 22 manns lífið, þar af 18 börn, að sögn heilbrigðisyfirvalda í gær.
Fyrsta árásin snemma á sunnudagsmorgun drap mann, eiginkonu hans og þriggja ára barn þeirra, að sögn nærliggjandi starfsmanna Kuwaiti-sjúkrahússin, sem tók á móti líkunum. Konan var ólétt og læknum tókst að bjarga barninu, samkvæmt upplýsingum frá sjúkrahúsinu.
Ísraelar hafa gert nær daglegar loftárásir á Rafah, þar sem meira en helmingur íbúa Gaza, sem eru 2,3 milljónir, hefur leitað skjóls frá bardögum annars staðar.
Í næstu árás létust 17 börn og tvær konur, öll úr sömu fjölskyldu, samkvæmt sjúkrahúsgögnum. Í loftárás í Rafah kvöldið áður létust níu manns, þar af sex börn.
Hani Mahmoud, fréttamaður Al Jazeera frá Rafah, sagði að hótanir um yfirvofandi innrás á jörðu niðri í Rafah væru að „vaxa“. „Heilu fjölskyldurnar eru gerðar að skotmörkum í þeim byggingum sem þær hafa leitað skjóls í,“ sagði fréttamaðurinn og hélt áfram: „Það er brotin öryggistilfinning fyrir fólk sem þegar hefur orðið fyrir áföllum eftir að hafa flúið frá einum stað til annars.“
Ísrael hefur einnig heitið því að auka sókn sína á jörðu niðri til borgarinnar á landamærum Egyptalands þrátt fyrir alþjóðlegar kröfur um aðhald, þar á meðal frá Bandaríkjunum. Hins vegar halda Bandaríkin áfram að útvega Ísraelum vopnapakka á meðan þeir þrýsta á um að binda enda á árásis í stríðinu. Á laugardag samþykkti fulltrúadeild Bandaríkjaþings með víðtækan stuðning tveggja flokka, 95 milljarða dala lagapakka sem veitir Úkraínu, Ísrael og Taívan öryggisaðstoð.