Varaforseti Hezbollah-samtakanna í Líbanon, Sheikh Naim Qassem, heitir því að samtökin mundu halda baráttu sinni við Ísraelsmenn áfram og hafa að lokum sigur. Þetta kemur fram í ávarpi hans. Þar sagði hann að Ísraelsmenn fremji fjöldamorð á óbreyttum borgurum í Líbanon og það með algjörum stuðningi bandarískra stjórnvalda.
Í ávarpinu hrósaði Qassem einnig hernaðargetu Hezbollah og að öll önnur samtök hefðu hrunið í álíka árásum en tók fram að ein eldflaug frá Hezbollah hefði valdið því að fjölmargir Ísraelsmenn neyddust til að flýja. „Við verðum staðföst. Við höldum íslamskri mótspyrnu áfram. Við höldum áfram að berjast við ísraelska óvininn til að styðja Palestínu og Gaza og verja okkar fólk,“ sagði Qassem. Aukreitis sagði hann Hezbollah tilbúna fyrir mögulegan landhernað Ísraelshers og að Ísraelsmenn gætu aldrei haft áhrif á hernaðargetu samtakanna.
Ekki tilkynnti Quassem hver tæki við forsetaembættinu af Hassan Nasrallah sem lést í árásum Ísraela um helgina.