- Auglýsing -
Heilbrigðisráðuneytið á Gaza segir að eftir næstum því tveggja vikna umsátur ísraelska hersins við al-Shifa sjúkrahúsið, séu enn 107 sjúklingar og 60 heilbrigðisstarfsmenn eftir inni á sjúkrahúsinu. Ekki er um að ræða fyrsta umsátur ísraelska hersins frá 7. október.
Palestínumennirnir sem eru þar, þar með taldir 30 lamaðir sjúklingar, eru fastir í byggingunni án vatns, rafmagns og lyfja, segir í yfirlýsingu.
„Herinn hefur komið í veg fyrir allar tilraunir til að koma sjúklingunum úr húsinu, með hjálp alþjóðlega stofnana,“ segir í yfirlýsingunni og þar er varað við því að líf sjúklinganna sé í alvarlegri hættu og að til þess að þeim verði bjargað sé þörf á „brýnum aðgerðum“.
Al Jazeera sagði frá málinu.