Einkaþjálfarinn Björn Þór Sigurbjörnsson skrifar um mikilvægi svefns í sinn nýjasta pistil.
Hann segir góðan svefn vera lykilinn að því að hafa orku yfir daginn. „Ástæðurnar eru margvíslegar og felast meðal annars í því að góður svefn stuðlar að meira jafnvægi í framleiðslu ýmissa hormóna sem gegna aðalhlutverki í uppbyggingu og viðhaldi beina, vöðva og taugakerfis. Þessi hormón gegna einnig mjög stóru hlutverki þegar kemur að andlegri líðan, réttu jafnvægi á orkubúskap og allri líkamlegri virkni,“ skrifar Björn.
Hann skrifar þá um samspil svefns og hormóna og gefur svo skotheld svefnráð.
Hann segir mikilvægt að fólk búi til rútínu í kringum svefninn og tryggi að það fái minnst sjö til átta tíma svefn á hverri nótt. Hann gefur líka góð ráð um svefnherbergið.
Björn varpar fram nokkrum spurningum til lesenda sem eiga að gefa vísbendingu um hvort þeir fái nægilega góðan svefn. „Tekur það þig meira en 15 mínútur að festa svefn?“ spyr hann meðal annars.
Lestu pistil Björns í heild sinni hérna.