Eygló Hilmarsdóttir leikkona á stórafmæli í dag en árin hennar eru nú orðin 30 talsins. Þessi skemmtilega leikkona útskrifaðist með B.A. gráðu í leiklist frá Listaháskóla Íslands vorið 2018 og hefur síðan leikið í leikhúsi, sjónvarpi og kvikmyndum. Margir mun sjálfsagt eftir henni í hlutverki Helenu í Jónsmessudraumi Shakespeares í Þjóðleikhúsinu leikárið 2018-2019. Hún hefur svo slegið í gegn ásamt félögum hennar í grínhópnum Kanarí en önnur serían af samnefndum grínþáttum voru í sýningu hjá Rúv í vetur.
Mannlíf heyrði í Eygló og spurði hana út í afmælisdaginn.
„Ég er sem stendur að lita á mér hárið ljóst. Er að gera svolítið drastískar breytingar á útliti mínu,“ svaraði Eygló og skellti upp úr. Aðspurð hvort hún væri að því fyrir leikhlutverk sagði hún ekki svo vera. „Nei, það er bara fyrir nýja hlutverkið sem þrítug kona,“ svaraði Eygló og hló. „Svo er ég að fara í lunch og svo út að borða í kvöld með unnusta mínum. Og svo fer ég í karíókí með vinum mínum í kvöld.“
En hvað er framundan hjá Eygló?
„Ég er að fara til Ítalíu um miðjan maí og svo er ég að fara að skrifa aðra seríu af Kanarí.“
Mannlíf óskar Eygló innilega til hamingju með stórafmælið!