Fannst lát­inn í Laxá í Aðal­dal

Laust eft­ir klukk­an þrjú í nótt fannst maður lát­inn í Laxá í Aðal­dal. Mannsins hafði verið saknað að eft­ir að hann skilaði sér ekki til baka úr veiði. Ekki er vitað hver dánar­or­sök mannsins er.

Þetta kem­ur fram í færslu á Facebook-síðu lög­regl­unnar á Norður­landi eystra.

Lög­regl­unni barst til­kynn­ing laust fyr­ir miðnætti um að karlmanns væri saknað við Laxá í Aðal­dal. Maðurinn hafði verið að veiða á svæðinu en ekki skilað sér.

Björgunarsveitir á Norður- og Austurlandi tóku þátt í leitinni, ásamt þyrlu Land­helg­is­gæsl­unnar.

Vill lögreglan þakka öllum þeim sem að leitinni komu fyrir þeirra störf.