Kennari við skóla í Dalvíkurbyggð fékk dæmdar 8 milljónir í skaðabætur vegna ólögmæts brottrekstrar. Kennararnum var vikið fyrirvaralaust úr starfi eftir að hafa gefið stúlku sem var nemandi kinnhest.
Kennarinn hafði gripið um úlnlið stúlkunnar sem brást við með því að slá kennarann utan undir en segir kennarinn hafa brugðist ósjálfrátt við með því að gefa kinnhest til baka.
Þá taldi kennarinn stúlkuna hafa sýnt ókurteisi skömmu áður en atvikið átti sér stað þar sem hún var beðin um að færa sig.
„Ekki fokking snerta mig,“ sagði stúlkan er kennarinn greip í hana en greint var frá málinu á vef Kennarasambands Íslands.
Málið var kært til lögreglu og kennarinn sendur í launað leyfi. Þegar málið féll niður var kennaranum sagt upp störfum en samkvæmt dóminum var atvikið ekki talið nægilega gróft brot.
Morgunblaðið fjallaði um málið.