FÍB hefur gert úttekt á eldsneytismarkaðinum sem sýnir að íslensku olíufélögin eru að stórauka álagningu sína fyrstu vikuna í júlí miðað við fyrri mánuði ársins. Vill FÍB meina að lag sé að lækka bensínverðið um að minnsta kosti 20 krónur á lítrann.
Eftir þrálátar verðhækkanir á jarðeldsneyti hefur þróuninni loksins verið snúið við og verð víða um heim farið að lækka aftur. Í dag var verðið á tunnunni á undir 100 bandaríkjadali. Félag íslenskra bifreiðaeigenda bendir á og gerir alvarlegar athugasemdir við verðstefnu olíufélaganna gagnvart neytendum.
„Það getur verið freistandi á fákeppnismarkaði að lækka ekki eldsneytisverð til að auka hagnað þegar mikil eftirspurn er á markaðnum enda margir á faraldsfæti í sumarfríi. Svona verðlagning er siðlaus.“
Hér má lesa grein FÍB í heild