- Auglýsing -
Heildarfjöldi staðfestra COVID-19 smita er kominn upp í 1.778 hér á landi. Fimm ný smit hafa greinst á síðasta sólarhring samkvæmt nýjustu tölum á covid.is. Virkum smitum fer fækkandi á milli daga en virk smit voru 351 í gær, þau voru 402 talsins daginn áður, sunnudag.
Í gær voru 113 sýni rannsökuð á sýkla- og veirufræðideild Landspítalans, fjögur þeirra reyndust jákvæð af COVID-19. Þá voru 575 sýni rannsökuð hjá Íslenskri erfðagreiningu í gær, eitt smit greindist í þeim sýnum.
Samkvæmt tölum covid.is hafa 1.417 einstaklingar náð bata eftir að hafa smitast.
Almannavarnadeild ríkislögreglustjóra boðar til upplýsingafundar í dag klukkan 14.00. Víðir Reynisson, yfirlögregluþjónn og Alma D. Möller, landlæknir munu fara yfir stöðu mála.