- Auglýsing -
Lögreglan á höfuðborgarsvæðinu handtók fjóra einstaklinga um hálfatta í gærkvöldi eftir innbrot og átök í hverfi 104. Einstaklingarnir, þrír karlmenn og ein kona, eru grunaðir um líkamsárás, húsbrot, vopnalög og fleira. Voru þau vistuð í fangageymslu lögreglu meðan vinnsla málsins fór fram og laus að lokinni skýrslutöku.
Klukkan 17.20 var maður handtekinn grunaður um húsbrot/heimilisofbeldi. Maðurinn var vistaður fyrir rannsókn máls í fangageymslu lögreglu.
Laust fyrir klukkan tíu í gærkvöldi var tilkynnt um mann vera að greiða fyrir vörur í verslun með fölsuðum 100 dollara seðli. Málið er í rannsókn.
Um hálffjögur í nótt var maður handtekinn á heimili sínu í hverfi 109. Maðurinn er grunaður um vörslu fíkniefna, hilmingu og fleira. Maðurinn var vistaður fyrir rannsókn máls í fangageymslu lögreglu.
Ofangreind mál eru hluti þeirra mála sem lögreglan á höfuðborgarsvæðinu kom að í gærdag og nótt.