Fjögur smit úr 2.038 sýnum

Fjögur COVID-19 smit hafa greinst síðasta sólarhring. Þrjú smit greindust við landamæraskimun á Keflavíkurflugvelli og eitt úr sýnum frá sýkla- og veirufræðideild Landspítalans.

Alls voru 1.310 sýni tekin í landamæraskimun í gær. Íslensk erfðagreining rannsakaði þá 465 sýni í gær á meðan sýkla- og veirufræðideild Landspítalans rannsakaði 263 sýni. Í heildina voru 2.038 sýni tekin í gær.

434 eru í sóttkví á landinu samkvæmt tölum á covid.is.