Eldur kom upp í fjölbýlishúsi í Salahverfi í Kópavogi upp úr klukkan þrjú í nótt. Fjögurra manna fjölskylda var hætt komin en slapp út úr íbúðinni. Fjölskyldan var flutt á bráðamóttöku. Fólkið er ekki talið hafa hlotið alvarlegan skaða. Talsverður ekdur logaði í íbúðinni en Slökkvilið höfuðborgarsvæðisins náði fljótlega að slökkva. Íbúðin er mikið skemmd.
Sex íbúðir eru í húsinu og þurftu allir íbúar að rýma. RÚV hefur eftir varðstjóra að allir hafi fengið að snúa til síns heima eftir að slökkvistarfi var lokið. Eldsupptök eru ókunn en lögregla rannsakar málið.
Að undanskildum brunaum í Salahverfi var nóttin róleg. Lögregla var kölluð til vegna fjársvika þar sem farþegar gátu ekki greitt fyrir leigubifreið. Í ljós kom að aðilarnir voru báðir ofurölvi og voru þeir fluttir á lögreglustöð til frekari viðræðna.
Réttindalaus ökumaður stöðvaður. Hann reyndist einnig vera að tala í símann við akstur. Hann fær sekt upp á hartnær 200 þúsund krónur.
Hafnarfjarðarlögregla stöðvaði mann í akstri. Sá er grunaður um akstur undir áhrifum fíkniefna og áfengis. Búðarþjófur var við iðju sína á svipuðum slóðum. Málið var leyst á vettvangi með skýrslu.
Í upphaflegri fyrirsögn var sagt að fjölskyldan hafi verið flutt á gjörgæslu en þau voru flutt á bráðamóttöku. Það hefur nú verið leiðrétt