Flugfreyjur samþykkja kjarasamning og fagna því að viðræðum sé lokið

Félagsmenn í Flugfreyjufélagi Íslands hafa samþykkt kjarasamning milli félagsins og Samtaka atvinnulífsins vegna Icelandair.

„Stjórn og samn­inga­nefnd FFÍ fagna því að viðræðum sé lokið og þakk­ar fé­lags­mönn­um fyr­ir sam­stöðu og stuðning sem ríkt hef­ur meðal hóps­ins síðustu mánuði,“ seg­ir í til­kynn­ing­u sem Flugfreyjufélag Íslands hefur sent frá sér, í ljósi þess að félagsmenn í félaginu hafa samþykkt kjarasamning við Icelandair.

Nálægt níutíu prósent félagsmanna greiddu atkvæði rafrænt. Alls sögðu 83,5 prósent já en 13,42 prósent sögðu nei. Voru þrjú prósent kjörseðla auðir. „Kjör­sókn var mjög góð og sýn­ir það ábyrgð og áhuga fé­lags­manna á starfs­kjör­um sín­um og vinnu­um­hverfi,“ segir í tilkynningunni.

Samningurinn var kynntur fyrir félagsmönnum fyrir viku á Hót­el Nordica á Suður­lands­braut. Með þessu er viðræðum lokið og nýr kjarasamningur hefur tekið gildi.