„Hún var annað hvort látin eða í haldi Hamas. Og ef þú veist hvað er gert við fólkið í Gaza þá er það verra en dauði,“ sagði Thomas Hand, breskur karlmaður, um átta ára dóttur sína sem var stödd á Gaza-svæðinu þegar átökin brutust út. Thomas beið frétta af dóttur sinni, Emily, í nokkra daga en segist hann hafa fundið fyrir létti þegar hann frétti að dóttir hans væri látin.
Emily hafði farið í heimsókn til vinkonu sinnar sem búsett var í bænum Beeri, nálægt landamærum Gaza, til þess að gista á föstudagskvöldið. Thomas sagði hana ekki gista oft en því miður hafi hún gert það þetta kvöld. Rúmlega hundrað óbreyttir borgarar voru myrtir í bænum og var Emily ein þeirra. Í viðtalinu brotnar Thomas saman og segist feginn að vita að hún hafi ekki þurft að þjást lengi í höndum Hamas. Þá hafa erlendir fjölmiðlar greint frá ódæðum Hamas síðustu daga sem gengu húsa á milli og myrtu saklausa borgara.