Freyju bauð við aðstöðunni á tjaldsvæðinu í Úthlíð nýlega og tjáði hún sig um ástandið í Facebook hópnum Tjaldsvæði – umræðu vettvangur.
„Enduðum í Úthlíð þar sem alls staðar er fullt á Suðurlandinu og ég er ekki hissa á að það sé mikið laust hér … þvílíkur viðbjóður! Ekkert heitt rennandi vatn hvorki til að vaska upp né þvo sér um hendur. Klósettin ógeðsleg og uppvöskunaraðstaðan svipað óspennandi! Rafmagnið virkar ekki og fátt um svör. Það er auglýstur leikvöllur en hér er enginn leikvöllur sem er samt algjört aukaatriði og ekki þörf á fyrir okkur. Hef ferðast mikið í sumar og aldrei séð annað eins“.
Ekki er hægt að segja að þeir meðlimir hópsins sem tjáðu sig undir færslu Freyju, hafi verið henni sammála. Enda er ekkert að sjá athugavert á þeim myndum og myndbandi sem hún birtir með færslu sinni.
Sólveig sér nú bara ekkert að þessu: „Sé bara ekkert að þessu nema það þarf að tæma ruslið“. Oddný þykir skítastuðull Freyju ekki hár: „Ansi er skítastuðullinn hár hjá þér ef þetta er viðbjóður. Ég sé við sem veðrast í húsi sem ekki er kynt á veturna. Og kónguló sem spinnur vefinn sinn á mjög skömmum tíma. Engan klósettpappír á gólfum eða sóðaskap. Það vill svo illa til að það er líka viður í kringum vaskana sem bólgnar upp í vatni og sulli. Annars bara nokkuð fínt sýnist mér. Annað mál að það er hvers og eins að þrífa matarleifar og óhreinindi eftir sig í og við vaskinn eftir uppvaskið og henda ruslinu sínu. Þá er alltaf fínt og fallegt í þessu tjaldstæðabrjálæði“. Hjálmar hefur það kósý: „Er í Úthlíð, akkúrat ekkert að. Bara kósý“. Guðrún segir: „Að þetta sé “viðbjóður” er nú sterkt til orða tekið finnst mér “. Sigrún segist nú bara engan viðbjóð sjá á þessum myndum.
Bjartur lætur í sér heyra: „Æ sumir þurfa bara alltaf að vera að kvarta,,, Þetta er tjaldsvæði, ekki 5 stjörnu hótel í 101 Rvík“. Agla bendir á að mikið álag sé á tjaldsvæðum: „Það er alls staðar yfirfullt og örugglega mikið álag á staðarhöldurum vegna Covid takmarkana. Fullt rusl er ekki ástæða til að drulla yfir svæði og það er ekki heitt vatn i boði alls staðar“. Kristín kannast alls ekki við að þetta sé svona hjá þeim í Úthlíð: „Þetta er eitthvað alveg tilfallandi við erum búin að vera mikið í úthlíð í sumar og aldrei neitt nema snyrtilegt og fínt, það er uppvöskunaraðstaða og heitt vatn upp frá (hjá Réttinni og heitu pottunum og sturtunum) við höfum ekkert fengið nema dásamlegt viðmót frá staðarhaldara og starfsfólki.. það er kannski ekki alveg að marka með svona stóra helgi að ruslið sé ekki tæmt strax þegar það verður fullt, ég hef allavega aldrei séð þetta svona“.
Ef fólk orðið of kröfuhart með of miklar kröfur eða er þetta í raun og veru alveg ómögulegt ?