Dagbók lögreglu geymir hitt og þetta. Til dæmis þetta (að þessu sinni).
Tilkynnt var um innbrot í Tækniskólann; kom í ljós að gerandinn var nú þegar í haldi lögreglu vegna annara mála og allavega hluti af þýfinu var hjá lögreglu.
Einnig var tilkynnt um að bifreið er var búin að festa sig á lokuðu vinnusvæði; þegar lögregla kom á vettvang var aðili við bifreiðina sem er vel þekktur hjá lögreglu. Hann reyndist vera á bifreiðinni og var lítið um svör þegar hann var spurður út í hvers vegna hann væri á inn á svæðinu. Fljótlega kom í ljós að í bifreiðinni var þýfi sem var búið að stela annarstaðar á vinnusvæðinu; einnig fundust fíkniefni á manninum. Hann handtekinn og vistaður vegna málsins.
Einn aðili var handtekinn í Kópavogi eftir að hann fannst á gangi þar – en stuttu áður hafði verið tilkynnt um að hann hefði gengið berserksgang fyrir utan slysadeildina. Þar hafði hann allavega ollið tjóni á þremur bifreiðum.
Svo var tilkynnt um aðila er stolið hafði í fataverslun og komist undan. Stuttu seinn urðu lögreglumenn hans varir; hann handtekinn vegna málsins. Málið afgreitt á lögreglustöð og hann laus þaðan.
Líka var tilkynnt um óvelkomna aðila í íbúðarhúsnæði; húsráðandi hafði verið að koma úr vinnunni og þegar komið var heim var íbúðin opin og búið að róta og gramsa í öllu. Lögregla kom á staðinn; voru þá tveir aðilar í íbúðinni – báðir handteknir og vistaðir vegna málsins.
Tveir ökumenn voru stöðvaðir í akstri grunaðir um akstur undir áhrifum fíkniefna. Þeir voru einnig með fíkniefni á sér.