Gerðu Kristínu Lárusdóttur gull og silfursmið er margt til lista lagt og hafa kerti og aðrir munir sem hún hannar og býr til, vakið verðskuldaða eftirtekt. Gerða Kristín kláraði gull og silfursmíði í Tækniskólanum árið 2018 og tók sveinspróf um vorið 2019. Hún var í læri hjá Stefáni Boga í Metal design. Gerða Kristín er einnig með sveinspróf í snyrtifræði og hefur lokið tveggja ára diploma námi frá hönnunardeild Tækniskólans.
Mannlíf talaði við Gerðu Kristínu. Hún smíðar og hannar íslenskt skart en einnig hefur hún nýverið tekið upp ýmislegt annað spennandi.
Gerða Kristín á og rekur Mint Jewelry og heldur úti heimasíðunni mintjewelry.is. Allir skartgripir Gerðu eru handsmíðaðir á Íslandi úr 925 sterling silfri og 14 kt gulli. Hún leggur aðal áherslu á klassíska og tímalausa hönnun. Meðal nýjunga hjá Gerðu Kristínu eru kerti sem hún er að framleiða úr umhverfisvænu soya- kókos vaxi og hafa þau vakið verðskuldaða athygli. Einnig hefur hún verið að steypa blómavasa, kertastjaka og skúlptúra. Gerða heldur einnig úti síðu á Facebook sem má skoða hér.
Mjög mikilvægt er að styðja við íslenska framleiðslu sem er flest einstök og falleg. Við viljum ekki láta stéttir eins og gullsmiði deyja út hér á Íslandi, það væri sorglega staða. Samkeppnin er mikil og mikið er flutt inn af skartgripum. Fólk er svo í auknum mæli farið að panta erlendis frá sjálft sem er auðvitað allt í góðu en það þarf samt að muna eftir því íslenska líka.
Mannlíf styður íslenska hönnun og list og ef þú hefur ábendingu um hönnuð/listamann sendu þá póst á [email protected]