Söngkonan Christina Aguilera opnaði sig í þættinum Untucked, sem var sýndur strax á eftir frumsýningu á fyrsta þætti í tíundu seríu af þættinum RuPaul’s Drag Race. Þættirnir snúast um að finna næstu stórstjörnu í dragi.
Dragdrottningarnar spurðu Christinu spjörunum úr og barst lagið Infatuation af plötunni Stripped frá árinu 2002 í tal, en í því lagi syngur hún um elskhuga frá Puerto Rico.
„Hver var þessi frá Puerto Rico? Því þú veist að ég gæti verið skyld honum,“ spurði keppandinn Vanessa Vanjie Mateo.
„Ég var miður mín því ég komst að því að hann spilaði fyrir ykkar lið, ekki mitt,” svaraði Grammy-verðlaunasöngkonan og uppskar mikil hróp og hlátrasköll frá dragdrottningunum.
„Hann á eftir að sjá þetta og verða reiður,“ sagði þá Vanessa og Christina svaraði:
„Ég vona það stelpa.“
Upptöku af atriðinu má sjá hér fyrir neðan: