Gísli og brennivínið

Gísli Einarsson, ritstjóri Landans, var á miklum spretti á dögunum þar sem hann kynnti íslenskt viskí fyrir áhorfendum sínum í sjónvarpi allra landsmanna. Ritstjórinn lét ekki nægja að sýna vöruna á besta sjónvarpstíma heldur dreypti á áfenginu með tilheyrandi látbragði og „kjamsaði svo á drykknum þannig að áfengislöngunin blossaði upp í þurrustu ölkum,“ eins og sá harðskeytti blaðamaður Jakob Bjarnar Gétarsson orðaði það á Vísi.is. Landinn ber nafn sitt með sóma því ritstjórnin hefur áður fjallað um áfengi með svipuðum hætti. Þá er Halldór Halldórsson,  Dóri DNA, duglegur við að kynna áfengi í þætti sínum, Veislan, í Ríkissjónvarpinu. Aðrir fjölmiðlar hafa gjarnan verið ofsóttir og dregnir fyrir dóm af Lýðheilsustofnum fyrir sambærileg mál. Sýnt þykir að RÚV hafi lagt upp í stríð gegn þeim ólögum sem eru að baki auglýsingabanni á áfengi í íslenskum fjölmiðlum …