Gísli Rúnar látinn: Einstakur fjölskyldufaðir og þjóðardýrgripur

Gísli Rún­ar Jóns­son leikari og leikstjóri er látinn, 67 ára að aldri.

„Með djúpri sorg til­kynn­um við fjöl­skyld­an að okk­ar ástkæri Gísli Rún­ar Jóns­son leik­ari, leik­stjóri, hand­rits­höf­und­ur og þúsundþjala­smiður er lát­inn,“ seg­ir í til­kynn­ing­u sem fjölskylda Gísla Rúnars hefur sent frá sér.

„Fjöl­skyld­an syrg­ir kær­leiks­rík­an og ein­stak­an fjöl­skyldu­föður og þjóðardýr­grip,“ segir ennfremur. Fram kemur í tilkynningunni að Gísli Rúnar hafi látist á heimili sínu í gær.

Gísli Rúnar varð þjóðkunnur sem annar Kaffibrúsakarlanna í stuttum gamanatriðum í skemmtiþáttum í Sjónvarpinu haustið 1972. Hann var á löngum ferli sínum ötull leikari, leikstjóri, handritshöfundur, þýðandi og þáttastjórnandi. Þá skrifaði hann ævisögu Björgvins Halldórssonar, Bó & Co, sem kom út 2001 og nokkru síðar bókina Ég drepst þar sem mér sýnist þar sem hann tíndi til skrautlegar gamansögur frá löngum ferli sínum.