Í rólegu og barnvænu hverfi í Reykjavík stendur rúmlega 300 fermetra, 8 herbergja einbýli. Húsið er sérstaklega bjart og gólfsíðir guggar eru í stofunni sem er afar rúmgóð. Á milli borðstofu og stofu er arinn sem fer ekki fram hjá neinum.
Húsið stendur við Skriðustekk 8 í Breiðholti og hefur Lind fasteignasala eignina á skrá.
Svefherbergi hússins eru sex talsins, þrjú á efri hæð og þrjú á neðri. Þá býður húsið upp á einstakt tækifæri að loka á milli hæða á auðveldan hátt. Þannig væri hægt að gera tvær íbúðir í húsinu, báðar með sér inngangi.
Lóðin er stór og fyrir þá sem hafa græna fingur er garðurinn dásamlegur. Honum hefur verið haldið vel við og er gróinn. Þar er að finna matjurtargarð, fallegan tjágróður og á pallinum, heitan pott.
Örstutt ganga er frá húsinu niður í Elliðaárdal þar sem eru ótal gönguleiðir og mikil náttúrufegurð. Fyrir áhugasama er hægt að nálgast allar frekari upplýsingar á vef fasteignasölunnar.