Fólki í Kópavogi þegar tveir grímuklæddir menn á rafhlaupahjólum fóru um bæinn. Virtist sem svo að þarna væru á ferð misyndismenn í skuggalegum erindum. Lögregla brá skjótt við og náði mönnunum. Kom þá á daginn að þarna voru á ferð sakleysingjar að safna flöskum og dósum.
Róstursamir gestir á gistiheimili í miðborginni neituðu að hafa sig á brott. Lögreglan náði strax tökum á ástandinu og héldu gestirnir út í nóttina án frekari vandræða.
Rúða var brotin í verslun í austurborginni. Lögreglan mætti en rúðubrjóturinn reyndist vera farinn af vettvangi.
Tilkynnt um aðila að ónáða fólk á veitingastað í Múlahverfi. Ruddanum var vísað út af lögreglu án vandræða og hann lét sig hverfa.
Ökumaður handtekinn í úthverfi Hafnarfjarðar vegna gruns um akstur undir áhrifum áfengis og fíkniefna. Ökumaðurinn var sviptur frelsi og hann færður á lögreglustöð í sýnatöku.
Tveir ökumenn stöðvaðir fyrir hraðakstur í Garðabæ. Þeir eiga von á sekt.
Ökumaður var handtekinn í Breiðholti, grunaður um akstur undir áhrifum áfengis og fíkniefna. Þá kom á daginn að hann hafði verið sviptur ökuréttindum sínum. Maðurinn var færður á lögreglustöð í sýnatöku og dregið úr honum blóð.