Guðbjörg Svava Guðmundsdóttir er látin, aðeins 37 ára. Hún hafði glímt við mikla erfiðleika í lífi sínu. Eiginmaður hennar, Tómas Waagfjörð, var stunginn til bana á Ólafsfirði þann 3. október 2022. Hún fæddist þann 13. október 1986 og var nýorðin 37 ára. Mannlíf fjallaði um málið á sínum tíma og ræddi við hana um harmleikinn.
Faðir Guðbjargar Svövu, Guðmundur Sigurður Guðmundsson, sem býr í Svíþjóð, glímir við þann harm að missa bæði eiginkonu og dóttur saman daginn. Hann minntist dóttur sinnar með fallegum orðum á Facebook þann 20 október. „Sorgin hefur sótt mig heim. Konan mín Annika. lést í fangi mínu snemma í morgun. Samtímis missti ég yngri dóttur mína Svövu,“ skrifaði hann. Guðmundur Sigurður ræddi við Mannlíf í morgun. Hann er að jarða konu sína í Svíþjóð en stefnir að því að komast í útför dóttur sinnar á Íslandi.
Guðbjörg Svava lætur eftir sig tvo syni. Annar þeirra er aðeins þriggja ára.
Mannlíf vottar Guðmundi og öðrum aðstandendum dýpstu samúð,.